જાહેર હરાજીના નિયમો અને શરતો

સંબંધિત કરજદારો/ગીરવેદારોને બિડ ફોર્મની સ્વીકૃતિની તારીખથી એક કાર્યકારી દિવસ પહેલાં સુધી, તેમાં જમા થયેલ તમામ વ્યાજ અને શુલ્ક સાથે સંબંધિત લોન એકાઉન્ટને સંપૂર્ણપણે ફોરક્લોઝ કરવાની છેલ્લી તક આપવામાં આવે છે, જેમાં નિષ્ફળ થવાથી મોર્ગેજ કરેલી પ્રોપર્ટીઓ ઉલ્લેખિત શેડ્યૂલ મુજબ વેચવામાં આવશે.

હરાજી અંગેની પ્રગટ કરવામાં આવેલી માહિતીમાં ઉલ્લેખિત સ્થાવર સુરક્ષિત પ્રોપર્ટીની વિગતો ગ્રિહમ હાઉસિંગ ફાઇનાન્સ લિમિટેડ (“કંપની”) પાસે ઉપલબ્ધ શ્રેષ્ઠ માહિતી અને જાણકારી મુજબ જણાવવામાં આવી છે, તેમ છતાં, વિગતોમાં કોઈપણ ભૂલ, ખોટી માહિતી અથવા બાકાત રહી ગયેલી માહિતી માટેની જવાબદારી તેની રહેશે નહીં. સંભવિત બિડરને/ખરીદદારને તેમની બિડ સબમિટ કરતા પહેલા, તેમના પોતાના હિતમાં, ઉપરોક્ત બાબતો તથા ઉપરોક્ત મિલકતોને લગતી અન્ય સંબંધિત વિગતો અંગે માહિતી મેળવવા વિનંતી કરવામાં આવે છે.

વેચાણ અહીં ઉલ્લેખિત નિયમો અને શરતોને સખત રીતે આધિન છે.

1. કંપનીનું નામ બદલાયા બાદ, મેગ્મા હાઉસિંગ ફાઇનાન્સ લિમિટેડને મોર્ગેજ કરેલી પ્રોપર્ટીનો કબજો સર્ટિફિકેટ ઑફ ઇન્કોર્પોરેશનના સિક્યોરીટાઈઝેશન એન્ડ રીકંસ્ટ્રકશન ઑફ ફાઇનાન્શિયલ એસેટ્સ એન્ડ એન્ફોર્સમેન્ટ ઑફ સિક્યોરિટી ઇન્ટરેસ્ટ એક્ટ 2002 (“SARFAESI Act") ના સંદર્ભ અનુસાર હવે કંપની પાસે રહેશે.
2. લાગુ વ્યાજ, શુલ્ક, ખર્ચ વગેરે સાથે કંપનીની બાકી દેય રકમની રિકવરીની ઉલ્લેખિત શરતો મુજબ ઇ-હરાજી દ્વારા પ્રોપર્ટીનું વેચાણ કરવામાં આવશે.
3. ઈ-ઓક્શનનું આયોજન “એઝ ઈઝ વ્હેર ઈઝ, એઝ ઈઝ વ્હોટ ઈઝ તથા વ્હોટએવર ધેર ઈઝ” પ્રકારે કરવામાં આવી રહ્યું છે, જેમાં સિક્યોરિટી ઇન્ટરેસ્ટ (એન્ફોર્સમેન્ટ) રૂલ્સ (હવે પછીથી "નિયમો" તરીકે ઓળખાશે) ના નિયમો 8 અને 9 હેઠળ તમામ જ્ઞાત અને અજ્ઞાત બોજાઓનો સમાવેશ થાય છે અને તે ઓનલાઈન હાથ ધરવામાં આવશે.
4. કંપનીની પેનલમાં શામેલ સર્વિસ પ્રોવાઇડર દ્વારા હરાજી કરવામાં આવશે, જેની વિગતો તેના વેબ પોર્ટલ દ્વારા હરાજીના પ્રકાશનની નોટીસમાં આપવામાં કરવામાં આવેલ છે. હરાજીના પ્રકાશનની નોટીસમાં ઉલ્લેખિત તારીખે અને સમયે હરાજી હેઠળની પ્રોપર્ટીનું નિરીક્ષણ કરી શકાય છે. બિડ કરવાની/ખરીદવાની ઇચ્છા ધરાવતી વ્યક્તિઓને તેમની બિડ સબમિટ કરતા પહેલા અને ઈ-ઓક્શનની વેચાણ કાર્યવાહીમાં ભાગ લેતા પહેલા ઓક્શન દ્વારા વેચાણના નિયમો અને શરતોની વિગતવાર માહિતી માટે સેવા પ્રદાતાના વેબ પોર્ટલની મુલાકાત લેવાની સલાહ આપવામાં આવે છે. ઓનલાઇન બિડિંગ સેવા પ્રદાતાના વેબ પોર્ટલ પર કરવામાં આવશે, જે ઈ-ઓક્શન ડોક્યુમેન્ટમાં જણાવવામાં આવેલ નિયમો અને શરતોને આધિન રહેશે. ઈ-ઓક્શનને લગતા ઓક્શન ડોક્યુમેન્ટ અને વિગતવાર નિયમો અને શરતો કંપનીના વેબ પોર્ટલ પરથી ડાઉનલોડ કરી શકાય છે અથવા તે કંપનીની સ્થાનિક શાખામાંથી પણ મેળવી શકાય છે.
5. સંભવિત બિડરને/ખરીદદારને કંપનીની શાખાની તેમજ ઈ-ઓક્શનમાં શામેલ પ્રોપર્ટીની મુલાકાત લેવાની, તથા તેમની રીતે પૂછપરછ કરવાની તથા વધારાના શુલ્ક, બોજા તથા અન્ય તૃતીય-પક્ષના હિતોની ખાતરી કરવાની અને તેને લગતા તમામ પાસાઓ વિશે સંતોષકારક રીતે માહિતી મેળવવા માટે સલાહ આપવામાં આવે છે. ઉપરોક્ત પ્રોપર્ટીના સંદર્ભમાં તમામ બાકી અને ચૂકવવાપાત્ર રકમ, જેમ કે મ્યુનિસિપલ/મિલકત વેરો, મેન્ટેનન્સ/સોસાયટી ચાર્જ, વીજળી અને પાણી વેરો અથવા ચૂકવણીની મુદત વટાવી ગયેલી તમામ તેમજ અન્ય કોઈપણ (કોઈ પણ પ્રકારની) બાકી રકમની ચૂકવણી સફળ બોલી લગાવનારે/ખરીદદારે કરવાની રહેશે.
6. ઓનલાઈન ઈ-ઓક્શનમાં ભાગ લેવા માટેની એપ્લિકેશન, જે હરાજીની પ્રક્રિયામાં ફરજિયાત છે, તે સેવા પ્રદાતાના વેબ પોર્ટલ પર ઓફર/ટેન્ડર ડોક્યુમેન્ટની સાથે ઉપલબ્ધ નિયત ફોર્મેટમાં કરી શકાય છે. સંભવિત બિડરે/ખરીદદારે પોર્ટલ પર પોતાની નોંધણી કરાવવાની રહેશે તથા અગાઉથી લોગિન આઈડી અને પાસવર્ડ પ્રાપ્ત કરવાના રહેશે, જે સેવા પ્રદાતાના વેબ પોર્ટલ પરથી ઈ-બિડિંગ માટે ફરજિયાત છે, તથા ઈ-ઓક્શનની તારીખ પહેલાં સર્વિસ પ્રોવાઇડર પાસેથી ઈ-ઓક્શન અંગે ઓનલાઈન તાલીમ મેળવવાની રહેશે. ઇન્ટરનેટ નેટવર્કની કોઈપણ સમસ્યા/પાવર ફેલ્યોર/કોઈપણ અન્ય તકનીકી ખામીઓ/નિષ્ફળતા વગેરે માટે કંપની અથવા સર્વિસ પ્રોવાઇડરના અધિકૃત અધિકારી જવાબદાર રહેશે નહીં. આવી આકસ્મિક પરિસ્થિતિ ન ઉદ્ભવે તે માટે તથા તેઓ ઈ-ઓક્શનમાં સફળતાપૂર્વક ભાગ લઈ શકે તે માટે રસ ધરાવતા બિડર્સને પર્યાપ્ત પાવર બેક-અપ વગેરે સાથે તકનીકી રીતે સુસજ્જ રહેવાની વિનંતી કરવામાં આવે છે.
7. માત્ર માન્ય યૂઝર ID અને પાસવર્ડ ધરાવતા તથા જેમણે EMD ની સફળતાપૂર્વક પેમેન્ટ કરેલ હોય તેવા બિડર્સને જ ઓનલાઇન ઈ-ઓક્શનમાં ભાગ લેવાની મંજૂરી આપવામાં આવશે. અધિકૃત અધિકારી કોઈપણ સમયે, કોઈપણ કારણ આપ્યા વિના, કોઈપણ અથવા તમામ બિડ સ્વીકારવા અથવા નકારવાનો અધિકાર ધરાવે છે. વધુમાં, અધિકૃત અધિકારી કોઈપણ કારણ જણાવ્યા વિના, ઈ-ઓક્શન પ્રક્રિયા પૂર્ણ થાય તે પહેલાં કોઈપણ સમયે ઈ-ઓક્શન પાછું ઠેલવાનો/રદ કરવાનો/મુલતવી રાખવાનો/બંધ કરવાનો અથવા ઈ-ઓક્શનની શરતોમાં ફેરફાર કરવાનો અધિકાર ધરાવે છે તેમજ આ સંદર્ભમાં અંતિમ નિર્ણય તેમનો/તેણીનો રહેશે.
8. સંભવિત બિડરે/ખરીદનારે તેમની ઓફર અર્નેસ્ટ મની ડિપોઝિટ (EMD) સાથે, હરાજીના પ્રકાશનની નોટીસમાં જણાવ્યા મુજબ, જ્યાં અમારી સ્થાનિક બ્રાન્ચ સ્થિત હોય ત્યાં ‘ગ્રિહમ હાઉસિંગ ફાઇનાન્સ લિમિટેડ’ની તરફેણમાં ચૂકવવાપાત્ર ડિમાન્ડ ડ્રાફ્ટ અથવા RTGS અથવા NEFT દ્વારા, સીલબંધ પરબિડીયા ઉપર "ઑફર ફોર પરચેઝ ઑફ પ્રોપર્ટી(ઝ)" તેમ લખીને સ્થાનિક બ્રાન્ચ ખાતે અમારા અધિકૃત અધિકારીને, બિડ મોકલવાની છેલ્લી તારીખે અથવા તે પહેલાં એટલે કે સાંજે 6.30 વાગ્યા પહેલાં પહોંચાડવાની રહેશે. વેચાણ માટે સૌથી વધુ બોલી લગાવનારની તરફેણમાં પુષ્ટિ થયા બાદ, તે બોલી લગાવનાર દ્વારા ચૂકવવામાં આવેલી EMD ની રકમ વેચાણ કિંમતમાં એડજસ્ટ કરવામાં આવશે, અન્યથા તરફેણમાં ન હોય તો પરત કરવામાં આવશે તથા કોઈ પણ સંજોગોમાં, આ રીતે નિર્ધારીત કરવામાં આવેલ આરક્ષિત કિંમત (RP) થી ઓછી કિંમતે પ્રોપર્ટી વેચવામાં આવશે નહીં. હરાજીની શરૂઆત RPની રકમથી એક ઇન્ક્રિમેન્ટ્થી શરૂ થશે તથા ઇચ્છુક બિડરો/ખરીદદારો તેમની ઓફરમાં ઓછામાં ઓછી ₹10,000/- (દસ હજાર રૂપિયા પૂરા) ની વૃદ્ધિ કરીને એકબીજા સાથે બોલી લગાવી શકશે.
9. EMD જમા કરાવવાની તારીખે તથા ઈ-ઓક્શનની તારીખે જાહેર રજા હોવાની સ્થિતિમાં તારીખ આપમેળે આગામી કાર્યકારી દિવસ સુધી લંબાવવામાં આવશે.
10. EMD પર કોઈ વ્યાજ ચૂકવવામાં આવશે નહીં. સફળ બોલી લગાવનાર વ્યક્તિએ અધિકૃત અધિકારી દ્વારા બોલીની કિંમત સ્વીકારવામાં આવ્યા બાદ, વેચાણની પુષ્ટિ થયાના 15મા દિવસે અથવા તે પહેલાં અથવા આવા લંબાવવામાં આવેલા સમયગાળાની અંદર, સિક્યોર્ડ ક્રેડિટર/કંપનીની વિવેકબુદ્ધિથી લેખિતમાં સંમત થયા હોય તે મુજબ, વેચાણ કિંમતની 25% (EMD સહિત) રકમ તુરંત, એટલે કે તે જ દિવસે અથવા મોડમાં મોડા તે પછીના કાર્યકારી દિવસે જમા કરાવવાની રહેશે તેમજ ખરીદ કિંમતની બાકીની રકમ જમા કરાવવાની રહેશે. સફળ બોલી લગાવનાર દ્વારા રકમ જમા કરાવવામાં ન આવે તે સ્થિતિમાં અગાઉથી જમા કરાવેલ તમામ રકમ જપ્ત કરવામાં આવશે તથા પ્રોપર્ટીની ફરીથી હરાજી કરવામાં આવશે તથા પ્રોપર્ટી/રકમના સંદર્ભમાં, ચૂકવણી નહીં કરી શકેલ બોલી લગાવનારનો કોઈ દાવો/હક રહેશે નહીં.
11. વેચાણ કિંમતના 25% ડિપોઝિટ કરાવવા માત્રથી સફળ બોલી લગાવનાર વ્યક્તિના પક્ષમાં વેચાણની પુષ્ટિ થયેલી કહેવાશે નહીં. જેમણે અધિકૃત અધિકારીને તેમની બિડ/ટેન્ડર/ઓફરમાં સૌથી વધુ વેચાણ કિંમત ઓફર કરી હશે તેવા ઇચ્છુક બિડર/ખરીદનારના પક્ષમાં આ વેચાણ થયેલું કહેવામાં આવશે. જો કે, વેચાણ માત્ર અધિકૃત અધિકારી/સિક્યોર્ડ ક્રેડિટર દ્વારા માન્યતાને આધિન રહેશે.
12. જો સિક્યોર્ડ ક્રેડિટર દ્વારા ચૂકવવાપાત્ર તમામ બાકી રકમ, તમામ કિંમતો, ચાર્જ અને ખર્ચાઓ ઉપર જણાવવામાં આવેલ બૉરોઅર/કો- બૉરોઅર દ્વારા હરાજીની તારીખના એક કાર્યકારી દિવસ અગાઉ સુધીમાં ચૂકવી દેવામાં આવે છે, તો પ્રોપર્ટીનું વેચાણ કરવામાં આવશે નહીં તથા સંભવિત બિડરો પાસેથી પ્રાપ્ત થયેલી તમામ બિડ, કંપની પર કોઈપણ જવાબદારી/દાવા વિના તેમને પરત કરવામાં આવશે.
13. સ્વયં ઇચ્છુક બિડર/ખરીદદાર અથવા તેમના અધિકૃત પ્રતિનિધિ સિવાય અન્ય કોઈ પણ વ્યક્તિને હરાજી/વેચાણ કાર્યવાહીમાં ભાગ લેવાની મંજૂરી આપવામાં આવશે નહીં. જોકે, બિડ એપ્લિકેશન ફોર્મ જે ખરીદદારના નામે સબમિટ કરવામાં આવેલ હશે તે ખરીદદારના નામે જ વેચાણનું પ્રમાણપત્ર નોંધવામાં આવશે. વેચાણના પ્રમાણપત્રની રજિસ્ટ્રેશન કરાવવાની સંપૂર્ણ જવાબદારી સફળ બિડરની રહેશે. SARFAESI એક્ટ, 2002 તથા સિક્યોરિટી ઇન્ટરેસ્ટ (એન્ફોર્સમેન્ટ) રૂલ્સ, 2002 માં નિર્ધારિત કરવામાં આવ્યા મુજબના ફોર્મેટમાં, ઉપરોક્ત જણાવેલ પ્રોપર્ટીના વેચાણના પ્રમાણપત્રની રજિસ્ટ્રેશનને લગતી સ્ટેમ્પ ડ્યુટી, રજિસ્ટ્રેશન ખર્ચ, ટ્રાન્સફર ખર્ચ અને શુલ્ક તથા અન્ય તમામ ખર્ચની ચૂકવણીની જવાબદારી સફળ બિડર/ખરીદદારની રહેશે. રાજ્યના ટ્રાન્સફર સંબંધિત કાયદા/નિયમો મુજબ વેચાણ પ્રમાણપત્રની રજિસ્ટ્રેશન વહેલી તકે કરાવવાની રહેશે, અન્યથા ખરીદદાર દ્વારા સિક્યોર્ડ ક્રેડિટરને રિક્વેસ્ટ લેટર આપવાનો રહેશે જેમાં રજિસ્ટ્રેશનમાં વિલંબનું કારણ જણાવવાનું રહેશે તથા આવા વિલંબ માટે સિક્યોર્ડ ક્રેડિટર સ્થાનિક સત્તાવાળા/સરકારને જવાબદાર રહેશે નહીં. સંસ્થાઓ.
14. સિક્યોર્ડ ક્રેડિટર/કંપની વતી અધિકૃત અધિકારી કોઈ પણ આગોતરી સૂચના વિના, તેમની વિવેકબુદ્ધિથી આ નોટિસની કોઈપણ શરતો અને નિયમોમાં ફેરફાર કરવાનો અધિકાર ધરાવે છે, તથા જણાવેલ રિપઝેસ, મોર્ગેજ કરેલ પ્રોપર્ટીનું વેચાણ કરવામાં માર્કેટિંગ એજન્ટ અથવા સેવા પ્રદાતાની સેવાઓનો તેમની વ્યાવસાયિક ફી ચૂકવીને પણ લાભ લઈ શકે છે, જે બોરોઅર પાસેથી વસૂલ કરવામાં આવશે.
15. બૉરોઅર/મોર્ગેજરને આ સાથે એ પણ જાણ કરવામાં આવે છે કે તેઓએ કંપનીના કબજા હેઠળ રહેલી ઉક્ત મોર્ગેજ કરેલી પ્રોપર્ટીમાં, જો તેમની અંગત ઘરવખરી/વસ્તુઓ રહેલી હોય તો, કંપનીને અગાઉથી જાણ કરીને, પ્રકાશનની તારીખથી 15/30 દિવસની અંદર (સિક્યોરિટી ઇન્ટરેસ્ટ (એન્ફોર્સમેન્ટ) રૂલ્સ, 2002 ની જરૂરિયાત મુજબ) ડિલિવરી લેવાની રહેશે, અને જો આમ ન થાય તો તે માટે કંપનીની કોઈ જવાબદારી રહેશે નહીં તથા તેનો બૉરોઅર/મોર્ગેજરના જોખમે નિકાલ કરવામાં આવશે.

તારીખ:

સ્થાન: અધિકૃત અધિકારી

ગ્રિહમ હાઉસિંગ ફાઇનાન્સ લિમિટેડ માટે